O refraneiro de febreiro

Refraneiro de Febreiro

"Cando a Candeloria chora, metá do inverno vai fóra".

"Día de S. Brais, hora e media máis e o que ben lle contou, dúas horas lle encontrou"..
"En febreiro corre a auga por calquera regueiro"

"En febreiro, sete capas e un sombreiro"

“A chuvia en febreiro fai o palleiro”. 

"Ten o inverno por pasado se ves a febreiro empapado".

"Febreiro, xeada na leira e cachopo na lareira".

"Febreiro tasqueiro, nin boa meda nin bo palleiro".

"Mal ano espero, se en febreiro anda en mangas de camisa o xornaleiro".

"En febreiro, un pouco ao sol e outro ao fumeiro".

"A castaña e o besugo en febreiro están en zugo".

"En febreiro sete lobos ao carreiro"

"Xaneiro xiadeiro, febreiro fervedeiro, marzo pelarzo, abril co día no cubil".

"En febreiro garda a leña no leñeiro"

"En febreiro sae o oso do oseiro"

"Febreiro currusqueiro, marzo ventoso, abril chuvioso, maio louro cuberto de ouro"

"Febreiro, xiada na leira, e cachopo na lareira".

“Se non chove en Febreiro, nin bo prado, nin bo centeo, nin bo lameiro”.

“O dous de febreiro súbete ó outeiro; se ves negrexar ponte a cantar; se ves branquexar bótate a chorar”

“Se febreiro non febreirea, marzo non marcea.”

“Cando chove en febreiro todo ano é temporeiro”.

“Come máis pan un día de sol de febreiro que os cabalos de todo o reino”.

“En febreiro, por cada rego un caneiro”.

“Febreiro camiseiro, nin boa meda nin bo palleiro”

“Febreiro corzo, cos seus vinte e oito, se durara máis catro, non quedaba can, nin rato no seu burato”.

“En febreiro saca o boi do teu centeo”

"Febreiriño a ferverexar e a espurritiña do trigo a medrar"

"Neve febreiriña, tarde ven logo camiña"

"Febreiro lardeiro..."

"Febreiro mollado Maio soleado"

"En febreiro limpan o cu no palleiro"

"En Febreiro nin can, nin cadela nin sombreiro"

En febreiro sete lobos ao carreiro.

-Febreiro, felerpeiro.

-Cando febreiro non febreirea, marzo marcea.

-Aproveite ben febreiro quen mal folgou en xaneiro.

-En febreiro mete obreiro, antes no derradeiro que no primeiro.

-En febreiro mete obreiro, pan che comerá pro traballo che fará.

-Febreiriño corto cos seus vinteoito, se tivera máis catro non paraba can nin gato, nin abella no burato.

"Neve febreiriña pica a galiña"

"A neve febreiriña vaise axiña"

"Dure a mala veciña o que a neve febreiriña"

"Pola Candeloria metá do inverno vai fóra, se chove ou venta, inda entra".

"Se a Candeloria chora, metá do inverno vai fóra; que chore que deixe de chorar, metá do inverno está por pasar"

"Pola Candeloria casan os paxariños e vaise a galiñola"

"A partir da Candeloria, ningunha ave boa soa"

"Cando a Candeloria chora, a metade do inverno vai fora".

"Por San Brais, dúas horas máis" 

-Mira, Brais, por onde vas, e coida ben o que fas.

-Brais, lávate e comerás, e dispois de ben lavado non comerás bocado.

-San Brais da barca que afoga e non mata.

"Ó sol sen sombreiro, nin en agosto, nin en febreiro".

"Mal ano espero se en febreiro anda en mangas de camisa o xornaleiro".
 "En febreiro un pouco ó sol e outro ó fumeiro".